অসমীয়াৰ সুখ-দুখ
বিহুৰ খবৰ
অসমীয়া জন-জীৱনৰ হৃদস্পন্দন
ৰেডিঅ' সুখ দুখ...আহি আছে
কেটেপা
চৰকাৰী নে তৰকাৰী?
মুকলি চিঠি
ASD 184: 4TH APRIL
অসমীয়াৰ সুখ-দুখ
সামাজিক যোগসূত্ৰৰ মঞ্চত বাৰ্তাবাহক এক পৃষ্ঠা Assamese MID-DAY on Social Media
প্ৰথম বছৰ ১৮৪তম সংখ্যাঃ ৪ এপ্ৰিল ২০১৩
(ইউনিকোডত অসমীয়া বাতৰি)
আজিৰ গুৰুত্বপূৰ্ণ খবৰ
সুখৰ খবৰঃ
১. অসমৰ মুগা শিল্পই ভৌগোলিক মান্যতা প্ৰাপ্তিৰ বাট প্ৰশস্ত হোৱাৰ সুখবৰ ৷ মুগাৰ ভৌগোলিক মান্যতাৰ পঞ্জীকৃত স্বত্বাধিকাৰী প্ৰতিষ্ঠান অসম বিজ্ঞান প্ৰযুক্তি পৰিবেশ পৰিষদে তৈয়াৰ কৰি উলিয়ালে প্ৰতীক চিহ্নঃ পঞ্জীয়নৰ বাবে পঠালে চেন্নাইলৈ ৷
২. নাছাৰ প্ৰকল্প প্ৰতিযোগিতাঃ বিশ্বৰ ভিতৰত দ্বিতীয় স্থান অধিকাৰ কৰিলে নলবাৰীৰ হিমপ্ৰবালে ৷
৩. আজি এঘাৰ বজাত প্ৰকাশ পাব টেটৰ জড়িয়তে প্ৰাথমিক আৰু মাধ্যমিক বিদ্যালয়ত নিযুক্তি পাব লগা ১৬ জিলাৰ প্ৰাৰ্থী তালিকাঃ চৰকাৰী ৱেব চাইটত ৷
৪. বিহুৰ আগতেই নিয়মীয়া পদত নিযুক্তি পাব ১২হাজাৰ প্ৰাথমিক আৰু মাধ্যমিক বিদ্যালয়ত ৷
৫. স্বাস্থ্য মন্ত্ৰীয়ে কৰিলে সদনত ঘোষণাঃ ধঁপাত নিষিদ্ধকৰণ বিধেয়ক কেবিনেটলৈ প্ৰেৰণ কৰিছে মুখ্যমন্ত্ৰীয়ে ৷
৬. ক্ৰমে উতপ্ত হৈছে অসমৰ ৰাজনৈতিক বতাহঃ বিসম্বাদক লৈ গগৈ-কলিতাৰ বৈঠকঃ তিনিদিনৰ বাবে অসমলৈ দ্বিগবিজয় সিং, ৬ এপ্ৰিলত কাৰ্যনিৰ্বাহক ৷
৭. শুৱালকুছি কাণ্ডক লৈ ৰাজ্যপালক উপযু্ক্ত ব্যৱস্থা গ্ৰহণৰ বাবে আবেদন জনালেগৈ অ.গ.প নেতৃত্বই
৮. ব্ৰহ্মপুত্ৰৰ চাপৰিত আটক হ'ল পাঁচ জনকৈ চোৰাং চিকাৰী ৷
৯. বিধান সভাত গৃহীত হ'ল তিনিখনকৈ সংশোধনী বিলঃ দ্য আছাম প্ৰ'টেকছন অৱ ইণ্টাৰেষ্ট অৱ ডিপ'জিটৰ্ছ, দ্যা আছাম প্ৰিজনছ বিল আৰু ৰাজহ বিভাগৰ দ্য ইণ্ডিয়ান ষ্টাম্প ( আছাম এমেণ্ডমেণ্ড বিল)
১০. ৩৭নং ৰাষ্ট্ৰীয় ঘাইপথ নুমলীগঢ়ৰ পৰা বগীবিললৈ বহলোৱাৰ বাবে কেন্দ্ৰীয় চৰকাৰে দিলে ১৯৩৩কোটি টকাৰ অনুমোদনঃ তিনিটা খণ্ডত সংবৰ্ধনৰ বাবে বনালে যোজনা ৷
১১. এইবাৰ শ্ৰীমন্ত শংকৰদেৱৰ বৰগীতৰ ইংৰাজী অনুবাদ "গ্ৰেট চংছ" বিশ্ব বজাৰত মুকলিৰ বাবে লৈছে পদক্ষেপঃ ই-বুকৰ ৰূপত বিক্ৰী কৰিবলৈ ওলাইছে আমাজান.কমত ৷
১২. লক্ষ্ণৌস্থিত বীৰবল সাহানী ইণষ্টিউট অৱ পেলিঅ' বটানীৰ জীৱাশ্ম বিজ্ঞানী ডঃ সাধন কুমাৰ বসুমতাৰীক ৰংজুলিৰ ছটা সংগঠনে জনালে ৰাজহুৱা সম্বৰ্ধনা ৷
দুখৰ খবৰঃ
১. কানাডাৰ বৈদেশিক মন্ত্ৰালয়ৰ চাঞ্চল্যকৰ তথ্যঃ বিশ্বৰ বিপজ্জনক অঞ্চলৰ মানচিত্ৰত স্থান পালে অসমে; ধুবুৰী, কোকৰাঝাৰ চিনাক্ত হ'ল সাম্প্ৰদায়িক জিলা ৰূপে ৷
২. মানাহত পুনৰ গঁড় হত্যাৰ খবৰঃ কাটি নিলে খৰ্গ, নখ, মাংস ! মানাহৰ দুষ্প্ৰাপ্য পহুৰ মাংস এতিয়া গুৱাহাটীত সহজলভ্যঃ গ্ৰাহকৰ তালিকাত বহু নেতা-বিষয়া-ব্যৱসায়ী ৷
৩. সংসদীয় সচিবৰ নামত ৰাজকোষৰ পৰা ব্যয় কৰা হ'ল ৬কোটি টকা ৷
৪. ৰাজ্যত মূৰ দাঙি উঠিছে নতুন বিদ্ৰোহী সংগঠনেঃ আৰ এন এল এফৰ ৫জনকৈ কেডাৰ গ্ৰেপ্তাৰ, অস্ত্ৰ শস্ত্ৰ উদ্ধাৰ ৷
৫. ধেমাজিত গ্ৰেপ্তাৰ হ'ল চাৰিজনকৈ আলফা সদস্যঃ গুলী আৰু পিষ্টল উদ্ধাৰ ৷
৬. ডিব্ৰুগড় বিমান বন্দৰ আধুনিকীৰণত কেলেংকাৰীৰ অভিযোগঃ চি বি আই তদন্তৰ উঠিল দাবী ৷
৭. নলবাৰী ৰে'ল ষ্টেছনত কয়লা ছিণ্ডিকেটক লৈ উতপ্ত পৰিবেশঃ ছিণ্ডিকেটৰ গুণ্ডাৰ হাতত প্ৰহৃত হ'ল স্থানীয় যুৱক ৷
৮. নগাঁৱত সুৰাৰ নামত ৩৫কোটিৰো অধিক ৰাজহ সংগ্ৰহ, নতুন গ্ৰাহকৰ সংখ্যা ১২ শতাংশ বৃদ্ধিৰ চিন্তাজনক খবৰ ৷
৯. উত্তৰ প্ৰদেশৰ মুজাফৰপুৰত চাৰি ভগ্নীক একেলগে এচিড আক্ৰমণ কৰাৰ ঘটনাই নাৰী নিৰ্যাতনৰ ক্ষেত্ৰত পুনৰ দেশক কৰিলে লজ্জ্বানত ৷
বোল বচনঃ
ৰাজ্যৰ শিক্ষা মন্ত্ৰীয়ে ক'লে-"জীৱনৰ অন্তিম যাত্ৰা আৰম্ভ, সপোন দেখাৰ সময় শেষ; হাইকামাণ্ডে বিচাৰিলেও মুখ্যমন্ত্ৰী নহওঁ!"
দেশৰ প্ৰধান মন্ত্ৰীয়ে ক'লে- "দুৰ্নীতি দেশৰ সমস্যা, বিনিয়োগৰ বাবে বিদেশী কোম্পানীক আদৰিবইতো লাগিব"৷
ডঃ মৃনাল মিৰি দেৱে সদৌ গুৱাহাটী মিচিং কেবাঙৰ সভাত ক'লে-"ভাষাই হৈছে এখন সমাজৰ মূল্যবোধৰ ভঁৰাল ৷"
এন জি অ'ৰ ৰাজ্যিক অভিবৰ্তনত হেম ভাই-"বন্ধ সংস্কৃতিয়ে বিধ্বস্ত কৰিছে অসমৰ অৰ্থনীতি"৷
Wednesday, April 3, 2013
ASD 183: 3RD APRIL 2013
অসমীয়াৰ সুখ-দুখ
সামাজিক যোগসূত্ৰৰ মঞ্চত বাৰ্তাবাহক এক পৃষ্ঠা Assamese MID-DAY on Social Media
প্ৰথম বছৰ ১৮৩তম সংখ্যাঃ ৩ এপ্ৰিল ২০১৩
(ইউনিকোডত অসমীয়া বাতৰি)
আজিৰ গুৰুত্বপূৰ্ণ খবৰ
সুখৰ খবৰঃ
১. গুৱাহাটীত কৃষক মুক্তিৰ বৃহৎ গণ সমাবেশঃ ফ্লেট নিৰ্মাণ কোম্পানীক জলাশয়ো গতাই দিয়াৰ তুলিলে অভিযোগ; ৰাজনৈতিক নেতা, ব্যৱসায়ী কোম্পানীক উচ্ছেদ কৰি আদৰ্শ দেখুৱাবলৈ জনালে চৰকাৰক প্ৰত্যাহ্বান৷
২. মহানগৰ জিলা প্ৰশাসনে প্ৰতিবাদী ৰাইজক দিলে প্ৰতিশ্ৰুতিঃ ২২/৬/১১ৰ আগৰে পৰা পাহাৰ আৰু জলাশয়ত বাস কৰা কোনো লোকক উচ্ছেদ কৰা নহয় ৷
৩. বিধান সভাত জনালে পৰিবহন মন্ত্ৰী চন্দন ব্ৰহ্মইঃ পুনৰ কাৰ্যক্ষম হ'ব ধুবুৰীৰ ৰূপসী বিমানকোঠ ৷
৪. ভাৰতীয় দূতাবাসত সংস্কৃতিৰ নমুনা ৰাখিবলৈ নিৰ্বাচন কৰা কেন্দ্ৰীয় চৰকাৰৰ কমিটি "অৱজেক্ট ডি আৰ্ট"লৈ দুজন অসমীয়া শিল্পী গৌৰী বৰ্মন আৰু ইন্দিৰা পি.পি. বৰা মনোনীত হোৱাৰ সুখবৰ ৷
৫. অহা ৭ এপ্ৰিলত ১৯৭১চনৰ আগৰ স্নাতক সকলক লৈ কটন কলেজত আয়োজিত হৈছে "প্ৰবীণ স্নাতক সন্মিলন" ৷
৬. সত্ৰীয়া সংস্কৃতিৰ ক্ষেত্ৰলৈ আগবঢ়োৱা অৱদানৰ বাবে কেৰেলাৰ কুছিপুড়ি ডান্স একাডেমীয়ে আগবঢ়ালে নাট্য-মঞ্জৰী বঁটা ৷
৭. নগাঁৱৰ প্ৰখ্যাত নাট্যকৰ্মী মুকুটমণি শইকীয়াৰ সোঁৱৰণত ২৩-২৪মাৰ্চত নগাঁও জিলাৰ প্ৰেক্ষাগৃহত অনুষ্ঠিত হয় দ্বিতীয় বাৰ্ষিক সদৌ অসম ভিত্তিক একাংক নাট প্ৰতিযোগিতা ৷
৮. সৰ্ব ভাৰতীয় আৰক্ষী সেৱালৈ অসম চৰকাৰে মনোনীত কৰিলে অসম পুলিচৰ ছয়জনকৈ জ্যেষ্ঠ বিষয়াক ৷
৯. দশম শ্ৰেণীলৈকে পাঠ্যপুথিত অন্তৰ্ভূক্ত হৈছে অসম বুৰঞ্জী আৰু ভূগোলৰ পাঠ্যক্ৰমঃ অঞ্জন দত্তৰ প্ৰশ্নৰ উত্তৰত সদনক জনালে শিক্ষামন্ত্ৰীয়ে ৷
১০. জুন মাহত হাইস্কুলৰ ৫০০০ হাজাৰ শিক্ষকৰ নিযুক্তিঃ ৬৩৬খন উচ্চতৰ মাধ্যমিক বিদ্যালয়ত প্ৰবৰ্তিত হব বাণিজ্য আৰু বিজ্ঞান শাখা- শিক্ষা মন্ত্ৰীয়ে কৰিলে ঘোষণা ৷
১১. সম্পূৰ্ণ দ্বায়িত্ব গ্ৰহণৰ আগতে ৰামৰ্শ বিচাৰি সাহিত্যক মহিম বৰাৰ কাষ পালেগৈ অসম সাহিত্য সভাৰ সভাপতি ইমৰাণ শ্বাহ ডাঙৰীয়া ৷
চিন্তনীয় খবৰঃ
১. "গল্ডেন আছাম" গঢ়াৰ লক্ষ্যৰে এইবাৰ আজমল বাহিনীৰ মুকলি হুংকাৰঃ ২০১৬চনত মুখ্যমন্ত্ৰী হব বদৰুদ্দিন ৷
২. বিধানসভাত হাংগামা প্ৰসংগত এইবাৰ লক্ষ্মণৰেখা অতিক্ৰম নকৰাৰ সকিয়নী আজমল বাহিনীলৈঃ সদৌ অসম ছাত্ৰ সন্থাই ক'লে ১৯৫১চনৰ ৰাষ্ট্ৰীয় নাগৰিকপঞ্জী আৰু ১৯৭১চনলৈকে ভোটাৰ তালিকাত নাম থকা লোক আৰু তেখেত সকলৰ সতি-সন্ততিৰ নামসহ অচিৰেই উন্নীত হবই লাগিব নাগৰিকপঞ্জী ৷
৩. এইবাৰ নাগৰিকত্ব গোচৰত "চাৰ্জ ফ্ৰেম" কৰিলে আদালতেঃ পুনৰ আইনী বিতৰ্কলৈ মণি কুমাৰ চুব্বা ৷
৪. এইবাৰ জনগোষ্ঠীয় চানেকী চুৰি কৰি বৰ্হিঃ ৰাজ্যত তৈয়াৰ হৈছে অসমৰ জনজাতীয় সাজপাৰঃ ভিতৰৰ আৰু বাহিৰৰ ক'লা বেপাৰীক চিনাক্ত নকৰিলে অচিৰেই ক'লীয়া ডাৱৰে চানিব অসমৰ শিপিনীৰ ভৱিষ্যত ৷
৫. তামুলপুৰত কৃষকৰ বিক্ষোভঃ শুকানজুলিত দহ হাজাৰ হেক্টৰ মাটিত সামৰিক ঘাটি স্থাপনৰ বিৰোধিতা ৷
৬. ৰাজ্যৰ ৭০ শতাংশ বিদ্যালয়ৰ ছাত্ৰ-ছাত্ৰীয়ে দেখাই নাই গোলক অনুবীক্ষণ যন্ত্ৰঃ বাতৰিৰ শিৰোনামে চকু তুলিছে কপালত ৷
৭. শিক্ষামন্ত্ৰীৰ আস্ফালনক মিছা প্ৰমাণিত কৰি প্ৰহসনত পৰিণত শিক্ষাৰ অধিকাৰ আইন ৷
৮. বিটিচিত অসমীয়া ভাষাক এলাগী কৰাৰ প্ৰতিবাদত ৮ এপ্ৰিলৰ পৰা ৮৪ঘণ্টীয়া বিটিএডি বন্ধৰ আহ্বান দিলে সদৌ অসমীয়া ঐক্যমঞ্চৰ ৷
৯. অসমত সংখ্যলঘু উন্নয়নৰ নামত চলা কাম কাজ দেখি হতবাক হ'ল কেন্দ্ৰীয় মন্ত্ৰী ডঃ কে ৰহমান খান ৷
১০ জিলা পৰিষদ গঠনক লৈ প্ৰতিক্ৰিয়াৰে বঙাইগাঁৱত সচেতন মঞ্চৰ নামত প'ষ্টাৰিঙঃ"অগপ-এ আই ইউ ডি এফ ভাই ভাই, ৮৫৫ শ্বহীদৰ ত্যাগৰ কোনো মূল্য নাই!"
১১. ৰাজহ মন্ত্ৰীয়ে ক'লে-চুক্তিৰ আধাৰত জৰীপ সম্পন্নঃ বাংলাদেশৰ হাতলৈ যাব অসমৰ ২৬৮ একৰ মাটি ৷
১২. এইবাৰ সংখ্যালঘু প্ৰধান অঞ্চলত স্থাপন হব আই আই টি, আলিগড় মুছলিম বিশ্ববিদ্যালয়ৰ শাখা অসমতঃ কেন্দ্ৰীয় মন্ত্ৰী বহিল দিশপুৰৰ সতে ৷
১৩. নগাঁৱত সমাজ কল্যানত লুণ্ঠনঃ প্ৰসূতি-শিশুৰ বাবে দিয়া ধন উদৰস্থ কৰিছে বিষয়াই ৷
বোল বচনঃ
১. শিক্ষামন্ত্ৰীয়ে কৰিলে ঘোষণাঃ ৰাজ্যত হ'ব ৫০০খন নতুন উচ্চতৰ মাধ্যমিক বিদ্যালয় ৷
২. শিক্ষা সংসদীয় সচিব ৰেকিবুদ্দিনে ক'লেঃ ছিণ্ডিকেটৰ তদন্ত হ'লে ডাঙৰ ডাঙৰ নেতাৰ কাপোৰ খোল খাব!
৩. জলসম্পদ মন্ত্ৰী ৰাজীৱ লোচন পেগুৱে ক'লে সদনতঃ বান-খহনীয়া বিষয়ত কেন্দ্ৰ সঁহাৰি ইতিবাচক নহয় !
৪. শ্ৰমিক নেতা বিবেক দাসে ক'লে-"আদিবাসীক কণ্ঠৰোধৰ বাবেই চাহ-জনগোষ্ঠীক মাওবাদী সজোৱাত লাগিছে কংগ্ৰেছ চৰকাৰ" ৷
৫. সৰ্বানন্দ সোনোৱালে দিলে হুংকাৰ-"বাংলাদেশীক অসমৰ মুখ্যমন্ত্ৰী হবলৈ দিয়া নহ'ব!"
সোঁতৰ বিপৰীতে-নিৰ্বাচিত লেখা
আজিৰ সুখ দুখৰ এক পৃষ্ঠা
(ফেচবুক সংস্কৰণ)
Posts
1 comment:
Keep writing 🙏 really beautiful
Post a Comment